Puti Ayu

Oleh : Fahresa Jufrina, Mahasiswa Universitas Andalas
 

Referensi Kaba Si Gadih Ranti

Di sabuah kampuang ado surang padusi nan rancak banamo Puti Ayu. Puti Ayu punyo adiak nan banamo Puri Sari. Rancaknyo Puri Ayu mambuek satiok urang nan batamu jo inyo sakatiko jatuah cinto kabake inyo. suatu ari Puti Ayu jo Puti Sari pai ka balai untuak mambali tuka samba, sacaro indak sadar kaduo gadih nan rancak tu diliek dek surang laki-laki tuo nan gilo padusi. Urang tu biaso disabuik jo namo Gaek Hidang (kakek hidung belang) atau jo namo aslinyo Joko
 “ Siapa gerangan gadih rancak nan duo tu Budi? “ 
Sakatiko gaek hidang batanyo ka anak buahnyo dan inyo manjawek
 “ Kaduo anak gadih tu banamo Puti Ayu jo Puti Sari Tuak, anak dari saudagar kampuang subarang. Ayahnyo banamo Riko jo mandehnyo banamo Aini.  “ 
Kaduo anak gadih tu bajalan manjuah maninggakan pasa namun gaek Hidung taruih mancaliak Puti Ayu jo Puti Sari sampai kaduo-duonyo indak tampak lai.

“Di malam harinyo Mande jo Abak Puti Ayu  sakatiko mamikian Puti Ayu. Di kampuang tampek Puti Ayu tingga anak gadih saumua Puti Ayu alah cocok nan patuik untuak manikah atau barumah tanggo.”
“Adiak, apo ado tapikia dek Adiak tantang Puti Ayu nan lah gadang, baa kok indak kito jodohkan sajo Gadis Ayu?”
“Iyaa Uda, Adiak bara hari iko lah bapikia pulo tantang hal itu, tapi jo sia kironyo gadis ayu kito manikah kanda?”
“Baa kironyo  indak kito jodohkan sajo anak kito jo anak Da Rudi?”
“Jo anaknyo Rudi?, Adiak sabana indak satuju Ka Uda, baa karano anaknyo Rudi iyo subana  anak nan sangaik manjo, dek kalai urang gaeknyo urang nan kayo, dek karano manjo tu untuak bakarajo se inyo indak pandai, sampai kini ko masih juo bagantuang ka urang gaeknyo, nio nyo  agiah makan apo anak kito biko? “ 
 “ Batua juo kato Adiak, tapi jo sia kironyo Puti Ayu kito jodohkan? “ 
 “Kok jo Galih?, anak Etek Ratna urang kampuang subalah, urang-urang kampuang pun alah tau juo baso Galih tu anaknyo yo subana baiak, rajin bakureh, jo sangaik sayang ka Amak jo Adiaknyo.“ 
 “ Jikok Adiak lai katuju jo Galih tu, tantu Uda lai ka satuju juo jo pilihan Adik nan tu. “ 
 “ Dek alah talampau malam bana hari nan ko rancak kini ko kini Adiak lalok, carito ko isuak kito sambuang bisuak sajo jo Gadih Ayu. “ 
 “ batu juo kicek Uda, Adik lalok lah dulu. “ 

Bisuak paginyo Puti Ayu jo mandehnyo manyadiyokan sarapan untuak Abak jo dunsanak padusinyo.
Saaik sedang makan tu Abak puri ayu batanyo ka puri sari
 “Puti sari!” 
 “Iyo Abak”
 “Baa kabarnyo jo sikolah Sari nak? ⁇ 
 “Alhamdulillah sikolah sari lai lancar senyo Bak.“
 “Alhamdulillah kalau ado masalah saaik baraja tanyoan sajolah ka Uni jo Abak.”
 “Jadi Bak, oiyo bak, minggu kamungko Sari ka ikuik olimpiade sain Bak.”
 “Wahh, basumangaik jo rajin-rajin lah baraja, Abak doaan supayo Puri Sari mandapekan hasil nan rancak.”
 “Aamiin, tarimo kasih Abak, kalau ba itu sari pai lah ka sikolah dulu Bak, Assalamualaikum Bak.”
”Yoo nak, waalaikumsalam, elok-elok lah bajalan.
Dek karano Puri Sari nan alah pai ka sikolah sakatiko Abak maimbau Puri Ayu jo mandehnyo untuak malanjuikan rundiang tadi malam.
 “Puti Ayu! “
 “Iyaa Bak, duduak lah anak dulu!, ado nan nio abak kicekan jo Ayu.”
 “jadih Bak.”
“Umur Ayu barapo kini Nak?”
 “Kini umua Ayu alah 20 taun Bak.” 
 “20 yo, jadi dek umua ayu lah cukuik untuk manikah Abak jo Mande adoh rancano untuak manjodohkan Ayu jo Anak Tek Ratna, yo itu Galih.”
 “ Tujuan Abak jo mandeh Elok nak, dek karano Ayu alah baumua 20 taun. Lah patuik juo untuak tu manikah.”
 “ Jadih lah Bak, apo pun kaputusan nan Abak jo mandeh ambiak pastilah itu ka manjadi hal nan paliang baiak untuak Ayu.“ 

Bisuak harinyo mandehnyo  Putri Ayu tibo ka rumah mandeh Ratna
“Assalamuaikum”
 “ Waalaikumsalam, dari ma Uni ko, Masuk-masuk! Jan lamo bana tagak di muko pintu tu,  duduaklah dulu.”
 “jadih, tarimo kasih. Sabalunnyo ambo nio batanyo ka Uni Ratna.”
 “Iyo silakan, batanyo hal apo Bu Aini.“ 
 “ Baa Galih lah punyo pacar? “ 
“Pacar? Saketek bana ambo maraso Galih indak adoh punyo pacar, baa mangko Bu?”
 “Jadi iko Nii, dek anak-anak kito nan alah gadang samo gadang, inyo baduo masih alun juo punyo pacar. Jadi baa kironyo anak kito baduo kito jodohan se?”
 “Buliah Uni, jadi bilo kironyo anak kito tu diikek.“
 “ancaknyo sacapek mungkin Uni.“ 

Sasudah barundiang jo mandehnyo Galih babaliak pulang lah ka rumah, Tek Aini jo raso samangat e maimbau lakinyo, supayo inyo sacapeknyo dapek manyampaikan kaba nan inyo dapek.
 “Uda !, Uda , Uda dimana Uda? “ 
 “ Iyoo Adiak ado apo? “ 
 “ Adiak baru se baliak dari rumah mandehnyo Galih, kini ko adiak nio mangabaan kaba baiak”
 “ Apo kaba baiak nyo Adiak? “ 
 “ Etek Ratna sangaik manyatujui parmintaan kito tunangan dapek dilakuan 2 Minggu lai “ 
Di tangah mangicek kaduonyo tadanga bunyi tokok pintu nan mambuek putuih rundiang, Tek Ani sakatuko langsuang bajalan ka pintu.
 “(suara ketokan pintu semakin kencang) tok, tok, tok, tok, tok, tok.”
 “ Iyoo subanta.” Suaro Tek Aini manggalaga.
Sasudah mambukak pintu alangkah takajuiknyo Tek Aini dek karano nan tibo iyolah Gaek Hidang (Joko).
“Duduak lah kadalam Gek, bia nak ambo imbauan Uda dulu. ⁇ 
“Yoo. “ 
Sasudah duduak Gaek Joko di tanggan ruang, bakatolah Tek Aini kalakinyo kalua nan tibo tu Gaek Joko. 
 “Ado apo garangan Gaek dek tibo kaniak Gek?
 “Makasuik kadatangan Den tibo kasiko dek katuju lo jo anak Riko, jadi Adenn nio malamar Puri Ayu tuk jadi bini Den!”
Sabana takajuiknyo Tek Aini mandanga hal nan tu sahinggo inyo majatuhan galeh aia nan dibaoaknnyo untuk Gaek Joko.
Raso takuik jo elok-elok Riko manjawek kato-kato Gaek Joko dek karano sadoalah urang di kampuang alah tau baa parangai Gaek nan surang tu, yo subana gilo kapadusi.
 “Sabalunnyo ambo jo kaluarga mamintak maaf ka Gaek, dek janji nan alah ta buek ndak mungkin pulo ka di putuih anak awak Puti Ayu alah ba jodohkan, jo Galih Anaknyo Tek Ratna parjodoannyo ka kito adoan minggu bisuak.“ 
Mandanga kato panolakan sarupo itu, tampak bana amarah di muko Gaek Joko.
 “Di antaro banyak urang hanyo waang sajo nan manolak Den!”
Gaek Joko jo amarahnyo pai maninggakan Riko jo Aini.

sampainyo di rumah Gaek Joko, inyo langsung maimbau anak buahnyo
“ Budiiiii!”
 ⁇ Iyo Gek. ⁇ 
Kini ko juo ambo nio awak pai cari Si Galih ang cilakoan inyo
 “Jadih Gek.”

Dalam pajalanan mancari Galih, Budi basobok jo Galih nan sadang bajalan surang di tapi trotoar Jalan nan handak manyubarang. Kasampatan tu digunoan Budi untuak mancalakoi Galih.
Ado surang Etek nan ado di sinan, maariak-ariak lah Etek tu surang diri, dek karano oto nan dibaok budi manuju ka arah Galih.
“AWASSS! Anak mudo ado otoo!”
Hariakan Etek nan kareh tu manyadarkan Galih tantang kadatangan oto Budi, sacapek mungkin inyo mailakan oto tu.
Sampai di rumah Tek Ratna manyampaikan ka Galih baso Gaek Joko alah tibo ka rumah Puti Ayu nio maminangnyo, namun kaluarga Ayu manulak hal tasabuik.
Talinteh di pangana Galih, ka oto nan nio maantaknyo tadi. inyo maliek Budi anak buah Gaek Joko nan mambaok oto tu.

katiko sadang duduak jo kawan-kawannyo ada surang kawannyo Galih nan bakato kalua inyo dikicuah dek Gaek Joko sabanyak 50 juta.
“Tahu ndak kalia aden sakik hati bana ka Gaek Joko tu. 
“Gaek tuo nan gata tu.” Tanyo salah surang kawannyo
Iyo jawek kawan-kawannyo.
“aden di kicuah dek Gaek gata tu 50 juta.”
“Haa agak dikicuah e lo” kicek salah surang kawan e.
“Iya den di dicuah lo dek Gaek”
“molah wak kaduan se Gaek tu ka polisi” ucap teman yang lainnya.
“Plah” jawek semua temannya.
Sadoalah kawan-kawan Galih pai ka kantua polisi untuk mangaduan Gaek Joko ateh kasus penipuan
“pak awak dikicuah dek Gaek nan banamo Joko sabanyak 50 juta” kato kawan galiah  nan kanai kicuah.”
“bilo angku kanai kicuah jo dima angku dikicuah gaek tu, lai adoh buktinyo?” tanya pak polisi.
“Patang siang pak, dipasa pak pas awak sadang mangaleh gaek tu tibo, lai pak iko buktinyo” kato kawan galih nan kanai kicuah.
satalah salasai dilaporan bisuaknyo Gaek Joko tu ditangkok polisi. 
Akhirnyo setelah bara hari balalu  Galih jo Puti Ayu pun manikah tanpa adoh halangan jo niek jaek dari Gaek Joko.